A L'ESPOSIZION DE VENEZIA
(Ano 1899).
DUETTO.
Serio el più grando e quasi insuperbio
de la parte difiçile ch'el sona,
pien de vita, de anema e de brio
4ecolo là ch'el pesta e ch'el frastona.
Sentà viçin un petolo de fio,
coi rissi biondi e i oci da maciona,
de tocar la tastiera ingolosio,
8arivandoghe a pena el ride, el stona.
Ah canagiete bele e birichine
piene de vita e piene de alegria,
11pestè ancora sul piano le manine,
Zo'... stonè tuto el zorno a più no posso,
rompè le recie senza ritrosia,
14che xe megio stonar... che farse adosso!!
