A L'ESPOSIZION DE VENEZIA
(Ano 1901)
PALPITI DI PRIMAVERA
Coi oci in fora e mezi spiritai,
Seco fa' un ciodo, zalo e alampanà,
Storto de vita, coi cavei petai,
4Col viso imbeçilido e imacacà
El varda le coline, i boschi, i prai,
El paeseto tuto iluminà,
Co' un aria da poeta, e avendo i cai,
8Inveçe de star drito... el sta sentà.
A mi un critico d'arte me ga dito
Che quelo rapresenta, in conclusion
11Un gran artista inamorà del sito;
Mi inveçe ve dirò ch'el xe un putelo,
Mandà a curarse in quele posizion
14Per deventar più grasso... e un fià più belo!!
