Pagina:Spiere de Sol.djvu/41

Sta pagina la xe stà trascrita, ma la gà ancora da vegner rileta.
A L'ESPOSIZION DE VENEZIA

(Ano 1901)
LA NASCITA NELLA CASA DEL POVERO

(Quadro de Pilade Bertieri).


La prima maravegia, fioi, xe stada
quando, zirando, in un canton go visto
sto quadro che, per mi, m'a parso un misto
4de roba poco ciara e indovinada.

E infati, no ve par esagerada
l'idea che un bon marìo, sia pur... sprovisto,
lassa che la so... vecia, l'anticristo
8la daga al mondo... in tera... là... butada?

Inveçe, se mi gera nel pitor,
ghe gavarave fata una cucieta
11co' sora qualche coltra o covertor;

Tanto più che, da banda i nanaressi,
in vinti dì che vedo la... sposeta
14me par che no la fazza... sti progressi!!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Spiere_de_Sol.djvu/41&oldid=61521"