A L'ESPOSIZION DE VENEZIA
(Ano 1901)
EL CASTIGO
Co 'l viso tuto rosso e spaventà,
le dreze spetenade e in confusion,
la xe là che la par in convulsion
4in mezo a un fogarazo indemonià.
Dei diavoli col muso inspirità,
coi piè da cavra e i oci da molton,
ghe stà atorno, e ve par che in conclusion
8i se goda del quadro che i ga là.
Sarà questo el castigo de le done
che ga fato combatar e strussiar,
11che co' i sposi ga fato.. le imbrogione;
E per de più tute le note e i zorni
ghe tocarà, come sta quà, mirar
14un çentener.... de omeni coi corni!
