Pagina:Spiere de Sol.djvu/46

Sta pagina la xe stà trascrita, ma la gà ancora da vegner rileta.
II
CO' TE GO CONOSSUA!


Ga volesto fortuna benedeta
che pochi zorni dopo de quel fato
la to manina bianca e morbideta
4te gavesse da strenzar come un mato;

Co' go poduo mirar la to' bocheta,
sentir el to' profumo delicato,
m'ha parso, zogia mia, cussì de peta
8de deventar paron de qualche Stato.

Go lassà da una banda i me pensieri,
i me pensieri tristi e sconsolai
11e no go visto che i to' ocieti neri....

No go visto che ti, ch'el tò bel viso,
quel viso da sorisi apassionai
14che fa sognar quà in tera el Paradiso...

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Spiere_de_Sol.djvu/46&oldid=72199"