LA «CAVALLERIA RUSTICANA»
A CLELIA GIANESE.
Co' quei do' ocioni neri insin slusenti,
co' quela figureta da pitura,
te digo che jersera adiritura
4ti ga vudo i sucessi più imponenti.
I spasemi, quei palpiti frementi,
la gelosia, la rabia, la paura,
la voçe ciara, limpida, sicura
8tuto, tuto ga fato in ti portenti!
Ah! vorave esser mi el Turridu in scena:
nel vedar le to lagreme, el to viso,
11el to' amor cussì vero e la to' pena,
No, no faria mi là quel ch'el ga fato,
in altro modo me saria deciso,
14e... nato no saria quel che xe nato!!
Autuno '902
