LA PROTESTA SUL DIVORZIO
I preti si, stavolta i ga razon;
cossa se pensa po' sti deputati
de farne sul divorzio una mozion
4per voler imitar nazion e stati?
I me par, mi ve zuro, tanti mati,
sti onorevoli pieni de ambizion;
far squasi nassar la rivoluzion
8co' una lege che vai i so' pecati!
Mi almanco, co' la Gate fa inrabiar
o vien fora co' qualche canagiada,
11in logo de far lite o divorziar,
la papussa tirandoghe o un stival,
co' do' pugni sul muso e una peada,
14mi ve salvo la Ciesa... e la moral!
