ALORA E ADESSO....
Quel balconçelo gera una pitura,
tuto fiorìo da un tenaro lilà,
el pareva un zardin aderetura
4co 'l sol là ghe bateva imbrilantà.
Gera una festa fora de misura,
co' qualche selegoto inamorà
al çielo, a l'aria, a tuta la natura
8ghe cantava i so amori entusiasmà.
E a completar quel quadro, quel zogelo
ogni tanto vegniva al davanzal
11una testina mora, da penelo,
do' oci neri, neri, un ideal!
e pareva più beli alora i fiori
14el sol più ciaro e cargo de colori....
