LE SCUSE DEL MONDO
L’è giovine, l’è un sior, l'è un bel moreto,
L’è sul caval del mato,18 se lo sa;
Qualche capela19 tuti se la fa,
Se pol passarghe sora, malingreto!
Con l’espariensa po’ de qualche aneto
El sarà serio el se maridarà:
Adesso ghe vol altro, lassè là...
Così sto mondo el scusa un smoroseto.
. . . . . . . . . . . . . . . . . . . . . . .
Eco un’altra strossada20 de pitoca,
Che deventa de tuti par campar,
Che more a l’Ospedal, marsa patòca;21
E so fiol, destinado a la preson,
El guadagna la vita col robar...
Ma el bel moreto el sposarà un 'milion!
