Pagina:Strade e vicoli.djvu/37

Sta pagina la xe stà trascrita, ma la gà ancora da vegner rileta.

CHE PROTETOR!

     — G’ò quatro fioi e l’omo a l’ospedal
Cascà da l’armadura un mese ancò;
Semo pieni de fame, stago³² mal,
Cosa farò st’inverno mi no so!

     Gnissun me aiuta e prima de Nadal
Come el vede, a dir tanto, vado zo...³³
Se lu el volesse... un fiol ne l’arsenal
La sarìa ’na fortuna...
                              — Pensarò...

     Ma no l’è tanto facile in giornada.
— L'è ’na gran carità che lu el pol far
A sta pora fameia desgrassiada.

     Par i so pori morti! ’na parola...
— Scolta, ci sa? Se podaria tentar...
Vegni doman in studio, ma... ti sola!

32