ELETORI E DEPUTATI
L’è qualcosa de belo, no ve par?
Quando che semo ’rente46 a le elessioni:
A sentir lori semo i so padroni:
El popolo l’è re, basta parlar!
Apena, apena i sa che andè a votar
Ècoli che i ve trata da amigoni;
I ghe fa de capel anca a i strassoni,47
I ghe strense la man fin al böar.
I spende e i spande alora i candidati!
E tripe e litri.. avisi su ogni muro...
I ve par tuti quanti mèsi mati.
Ma, quando ormai la teia48 i se l’à fata,
I tira drito a muso duro, duro,
E quei che g’à la rogna se la grata!
