Pagina:Trieste vernacola.djvu/108

II.

(Otto giorni dopo).

— Ciò, co se disi le combinazion;
Adesso se incontremo ogni momento.
— Ben, la me conti un pochetin, che sento,
Coi sposi, no se parla, va benon?

— Se la vol che ghe digo, el xe un tormento;
Per ogni picolezza xe un muson,
El la cruzia¹ che proprio fa passion;
El xe geloso, no 'l xe mai contento.

— Oh coss'che la me conta; ma, la sa,
Se go de dirghe tuto, go sentì,
De certe informazìon che i me ga dà;

Gnente de tal² insoma! — Go capì;
Meio che la lo lassi in verità,..
— Ma se xe quel che ghe disevo mi!

1. el la cruzia, la cruccia, la tormenta
2. gnente de tal, espressione caratteristica del dialetto triestino per significare: niente di importante, nulla di speciale, nulla di straordinario.