Pagina:Trieste vernacola.djvu/113

Se 'l lo protesta, el ciapa de birbante,
Ghe vien adosso i fulmini de Giove,
Se 'l ziga un poco e che no 'l fa 'l macaco,
Xe qualchidun che ghe minacia un paco.¹

Lu xe sempre in lavor, o al pianoforte,
O in orchestra, col coro e co la banda.
O 'l prova che la luse no sia forte,
O che la scena no sia tropo granda,
O le comparse che no vadi storte,
O lampi o toni, tuto lu comanda!
El devi star atento e far la prova
Fin per posar un manego de scova.

Se 'l ga esigenze, se 'l ghe tien a l'arte,
Se 'l vol artisti e boni sonadori,
Le imprese e le agenzie lo lassa in parte
Disendo che 'l fa spender tropi bori.²
Se 'l aceta cussì le robe scarte,³
La stampa zerto no ghe buta fiori,
Cussì lu devi far l'economista
De una parte e de l'altra far l'artista!

St'altro che vien⁴ no se distaca tanto,
Per far el suo dover, da quel de sora
Senza acquistarse tanta gloria o vanto.
Xe un ometo che suda e che lavora,

1. un paco, in questo senso, un rovescio di bastonate
2. tropi bori, troppi quattrini
3. scarte, scadenti
4. st'altro che vien, è il maestro dei cori. Come si vede, la figurina disegnata finora era quella del maestro concertatore