STORIELA VERA.
La incontravo ogni giorno, de matina,
Che la andava in no so che magazin,
Palida, delicata, scarmolina,1
Ma assai graziosa, tanto un bel sestin;2
El far e l'aria de una signorina;
E ghe tocava inveze (xe un destin?)
Per guadagnarse el pan far la fachina;
Con quei brazzeti! con quel petisin!3
Po' tanto tempo no la go incontrada,
Me iero squasi za dismentigà;4
Suo nono vedo un giorno per la strada:
«Bon giorno, caro nono, come el sta?
E la biondina dove la xe andada?»
El ga guardado el ciel e sospirà...
