Pagina:Trieste vernacola.djvu/117

XE QUA L'INVERNO.

I.

Xe qua l'inverno, fermi pei cantoni
De le contrade, co la su' foghera,¹
I castagneri brùstola i maroni²
E i petorali bòi nela caldiera.³

I pagnaroi cuciai⁴ sui cornisoni
I guarda malinconichi per tera.
Per zinque mesi adesso semo boni,⁵
O neve o bora... e altro no se spera.

Beati quei che pol ben ben taparse⁶
In t'un capoto, o che i sa andove andar
A ristorarse el stòmigo e scaldarse,

Ma ghe xe tanti che no pol trovar
Gnanca una strazza per invultizzarse⁷
E un toco de polenta de magnar!

1. foghera, fornello, braciere
2. castagneri brustola i maroni, i caldarrostai abbrustoliscono le castagne
3. peloraleri, venditori di pere cotte: petorali, pere cotte; bòi, bolliscono; caldiera, caldaia
4. pagnaroi, passeri; cuciai, accovacciati
5. semo boni per zinque mesi, ne abbiamo per cinque mesi
6. taparse, rinchiudersi, rintanarsi
7. una strazza per involtizarse, un cencio per avvolgersi.