VII.
El disdoto de agosto,1 i «patrioti»
I ga volesto far dimostrazion:
Mocoli de candela e candeloti.
(Roba vanzada2 de le precession),
Quatro ferai coi vetri tuti roti,
Do trombe, un clarineto e un tamburon;
E zo pel Corso come i mascaroti
Co' l'alegria de la disperazion.
Do stanghe con do strazze zale e nere
Ghe dava l'espression de un funeral
A quel branco de scorze e de foghere.3
«Evviva l'Austria» (m.... papagàl!)
Pareva che i cantassi el miserere
Per la morte del vecio carneval!
