VIII.
Dal pergolo, Fries-Skene,1 che discorso!
Che parole de fogo, che espression!
Pareva de sentir parlar un orso
O un turco che ga perso la ragion.
(Ridi caval, ma te mastighi el morso:
Noi lo savemo, caro pantalon;
A Lìpiza2 una volta te xe corso:
Te torni presto a galopar, sta bon).
«Il monarca non fuol che i triestini
Continuino a parlare in italian;
Noi non suoniamo mica i mantolini!
(Te sentirà che orchestra, fiol d'un can;
Ch'el diavolo all'inferno te strassini!
Chi conossi altra lingua? zarlatan!)
