XIII.
Al debole ciaror del mio lumin,
Che pena come Cristo sul Calvario,
Go aspetà l'ano novo a tavolin,
E 'l me xe capita giusto in orario.
Quanta esateza ne l'itinerario
Del viaggio per la strada del destin!
Go ciolto in man el novo calendario
E go stacado a sorte un foglietin.
Pasqua! la festa de resurezion...
Oh che rissusitassi anche Trieste!
Che sonassi a San Giusto el campanon!
Oh poderle passar le sante feste
Col Tricolor esposto dal balcon
Spelando el dindio: l'aquila a due teste!
