XIV.
Che canonada! Questa xe vizin.
Savoia avanti! deghe, su, coragio!...
Che li vedemo presto far la fin
Che fa la neve co ritorna Magio.
Magio, bel Magio, verde, tepidin,
Ritorna presto, torna come el pagio
Che vien davanti al Santo baldachin;
Portine la novela, ti, el messagio:
Porta le ultime note de l'«orchestra»
Dai campi de la gloria e de l'onor.
Porta un fià de profumo de ginestra!
Porta con ti Vitorio Redentor!
Co' un rèfolo spalanca ogni finestra!
Dine de meter fora el Tricolor!
