Pagina:Trieste vernacola.djvu/140

MADAMA RICEVE.

Xe lunedì: Madama ga el gran giorno:
Sa tuta la contrada.
Se la vedi al balcon dispetinada¹
Fin dopo mezzogiorno,
Che la sbati, la forbi, la scoveta²
E la magna velen cola serveta
(Vecia crose de tute le parone),
Che ghe sconquassa canapè e poltrone.

In quel giorno se magna a sofigon³
Per esser presto pronte a la parada.⁴
Madama la xe tuta in convulsion:
Dar la traversa⁵ bianca per la serva,
Meter quattro fioreti in un vaseto,
Cavar la mufa al vaso de conserva,
Dar l'ultima rangiada,⁶
E po serarse in camera da leto,
Per far la sua comparsa dopo un'ora
In gran toalèt come una gran signora.

1. dispetinada, spettinata
2. la sbati, sbatte, cioè, i mobili, i tappeti ecc.; la forbi, pulisce; scoveta, spazzola
3. se magna a sofigon, si mangia in fretta quasi in modo da soffocare
4. per esser pronta alla parada, alla parata, cioè al ricevimento delle visite
5. traversa, grembiule
6. l'ultima rangiada, l'ultimo assetto.