Pagina:Trieste vernacola.djvu/141

Sta pagina la xe stà trascrita e rileta.


Sona la campanela, sona forte,
Xe visite sicuro: presto presto,
Le cori tute do, le sbati porte:
Oh Dio! che delusion!
Xe l'omo del carbon!

Dopo una dolorosa aspetativa
Sona de novo: ah si! stavolta si!
Xe siora Ciacoleti.
Saludi, complimenti, soriseti.
«La sta ben? anca mi».
La fa le tre domande de pramatica:
Cossa ghe par de sti tempazzi bruti?
Che bone idee la ga pel carnoval?
Come va a casa tuti?
La parla dele serve, dela moda,
La critica le amighe, ai scandaleti
Le ghe zonta la coda;1
E intanto le se sbircia de traverso2
Una 'l capel e l'altra i bucoleti;
E una pensa: «Che zesta!»3
E l'altra: «Quanto contrabando in testa!»

Dopo un'oreta siora Ciacoleti
Se alza e se ne va:
Complimenti, saludi, soriseti,
Madama, apena sola, tira 'l fià.4
La studa tuti i lumi,5

  1. la ghe zonta la coda, vi aggiungono lo strascico
  2. le se sbircia de traverso, si sogguardano di traverso
  3. che zesta! che cesta! che paniere!
  4. tira 'l fià, tira il fiato
  5. la studa, spegne.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Trieste_vernacola.djvu/141&oldid=65910"