Pagina:Trieste vernacola.djvu/151

Sta pagina la xe stà trascrita e rileta.

Garzone e lavorante
Dala matina a sera,
Iera spesso de bando,1
De sabato la paga tuta intiera
De quando in quando
Mancava, e i do veceti
Impegnava, impegnava
Fin i lenzioi dei leti.
Ma tuto inutilmente;
No tornava el lavor,
E licenziar la gente,
Poveri, i ga dovesto con dolor.

Iera una bela sera.
Un bel ciaro de luna, un ciel brillante
De milioni de stele;
Cantava primavera
Le sue strofe più bele:
De amor el gran mistero
Nel peto de ogni amante,
E in cor dei do veceti
Colpidi da la sorte,
Come diamante nero,
Brilava la salvezza nela morte.

  1. de bando, in ozio — È facile notare in tutta questa poesia un sapore troppo letterario; tuttavia la sentimentalità dell'argomento in parte scusa questa menda.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Trieste_vernacola.djvu/151&oldid=65920"