L'INDECISO.
Xe proprio un tremendo quesito
Che perder me fa l'apetito.
La bionda opur la rossa opur la mora?
No posso risolverme ancora,
Deciderme proprio no so.
La mora la xe un strùcolo,1
Neri oci e denti bianchi;
La ridi e la te ciàcola2
Che mai no ti te stanchi.
La bionda la sospira
Che un'angiola la par;
La rossa la ve inpira3
Un muso da basar.
Tremendo, tremendo quesito
Che perder me fa l'apetito.
La bionda opur la mora opur la rossa?
La xe una question tropo grossa,
Deciderme proprio no so.
