Pagina:Trieste vernacola.djvu/27

Ecco dunque:

SUL CALIGO DE STI ZORNI.

Co sto tempo chi vol fazza soneti,
Che mi dasseno¹ farghene no posso,
Se xe un caligo² cussì fisso e grosso
4De poderlo taiar e far paneti.

L'è nemigo zurado dei poeti
E el ve se peta con tal forza adosso,³
Che el cervelo el ve fa stupido e flosso⁴
8Incapace de far gnanca conceti.

Cossa mai xe el caligo de Guiana
In confronto de questo, e cossa mai
11Xe fina el caligazzo de Lubiana?

Tal caligo, per Dio, gnanca lo trovo
In quei libroni che xe comentai
14El Testamento vecio con el niovo.⁵

1. dasseno, davvero.
2. caligo, nebbia.
3. el ve se peta con tal forza adosso, vi si caccia addosso con tal forza.
4. flosso, floscio.
5. niovo, per nuovo è pretto veneziano. Il triestino dice novo.