Pagina:Trieste vernacola.djvu/37

I MEDICI SPECIALISTI.

. . . . . . . . . . . . . . . .
. . . . . . . . . . . . . . . .
. . . . . . . . . . . . . . . .
In zornada¹ gh'è dotori,
E nostrani la più parte,
Che xe còcoli, tesori,
Che no vive che per l'arte,
E co i vien vizin al leto
Torna l'anima nel peto.

I se leva ogni matina
Co xe l'alba, come i gali,
E se i core in citadina,²
Xe a solievo dei mortali,
Po i maladi se ricrea
Quando i vede la livrea.

Drento el brum³ i ga un fagoto
De librazzi e de gazete,
E corendo de bon troto
Come in Asia le stafete,
I divora sti giornai
A protito dei malai.

1. in zornada, al dì d'oggi.
2. se i core in citadina, se corrono con la vettura da nolo.
3. el brun, il brougham, la vettura.