Pagina:Trieste vernacola.djvu/49

Sta pagina la xe stà trascrita e rileta.
EL SPENDACION.


Sparagnar!1 E per chi? Mo cara ela
No la me vegna fora co ste fote:2
Ficarò nel pagion le banconote3
4Per farghe tuto el dì la sentinela?

Sparagnar! Questa sì che la xe bela!
Ve capita la schizza4 e bona note:
Che le braghe5 sia nove o le sia rote,
8Vogia o no vogia za vignimo a quela.

E po: gala mai visto el funeral
D'un milioner da tuti maledio?
11Gran festa in piazza e catafalco in domo;

Invece per chi mor a l'ospeal:
Un zoto6 avanti e quatro babe7 drio:
14Xe più de quelo che ghe basta a un omo.


Dialetto istriano.

  1. Sparagnar, risparmiare.
  2. fote, baie, corbellerie.
  3. Ficarò nel pagion le banconote, caccerò le banconote nel pagliericcio.
  4. la schizza, la morte.
  5. le braghe, i calzoni.
  6. zoto, zoppo.
  7. babe, donnicciuole.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Trieste_vernacola.djvu/49&oldid=56348"