EL MAGNAPAN.
Se la zuca no go de Giustinian,
Go longo el passo, la voltada pronta,
E so tirarme i bafi d'oro in ponta
Per darme un zerto aplomb de cortisan.
Se come a la berlina el scalzacan
Me ràmpigo a l'ufizio, cossa conta?
Caso mai che a i paroni la ghe monta,1
Ciapo la piova col capel in man.
Zento rogne2 coverzo con un sasso;
No lezo: firmo, e lassa che la vaga:3
Se qualchedun me ciama, son a spasso.
In comission ronchizo4 come un tasso,
Nè verzo i oci che per cior la paga:5
E più i me disi porco più m'ingrasso.
Dialetto triestino.
- ↑ se ai paroni la ghe monta, se i padroni se la pigliano
- ↑ rogne, fastidi
- ↑ no lezo, non leggo; e lassa che la vaga, e lascia andare. Anche la desinenza: che la vaga è piuttosto venezianeggiante. In triestino si dice più frequentemente «che la vadi»
- ↑ ronchizo, russo
- ↑ verzo, apro; cior la paga, riscuotere la paga.
