Pagina:Trieste vernacola.djvu/69

3.

— El sial in testa e una cratura¹ in brazzo
(Cratura insonolida² e magrolina)
A mezanote, a un'ora de matina
La va in giro, sfidando e bora e iazzo.

Soto 'l fazzoleton vedo el tremazzo³
Dela doneta e dela putelina.
Su per la via Farneto⁴ la camina...
Passa una guardia ― un sior ― Passa un paiazzo

Che torna dal velion. Tuti la guarda
E i se domanda: Cossa la mulina⁵
Con quel sial a sta ora cussì tarda?

La se ferma davanti un'osteria...
La sta scoltar.. la movi la coltrina...
I canta... El xe... No 'l xe.. No... La va via.

1. una cratura, un bambino
2. insonolida, assonnata
3. el tremazzo, il tremito
4. via Farneto (ora via della Ginnastica), strada di Trieste ove ci sono parecchie osterie
5. cossa la mulina?, che cosa mai va macchinando o preparando?