Pagina:Trieste vernacola.djvu/73

4.

Povero fazzoleto nero e sbriso!¹
Vardè! la xe cussì sempre la dona,
La difendi la man che la bastona,
Chi la protegi, la ghe volta el viso.

Oh se un fazzoleton va in paradiso,
I angioli tuti ghe farà corona!
I ghe farà picar tuto 'l saliso²
E fodrarghe de raso la poltrona.

Là tuti i patimenti el scontaria
E le strussie e le sberle e la passion
E i morsigoni dela gelosia...

I lo metaria in sfasa³ nel Eliso,
Disendo: Gloria a ti fazzoleton!
Povero fazzoleto nero e sbriso!

1. sbriso, miseruccio, tritino, modesto
2. ghe farà picar tuto 'l saliso, gli faranno picchiettare a nuovo tutto il selciato
3. sfasa, cornice.