Deghe drento, deghe drento,
Se sfadiga, ma se va;
Vegnarà quel gran momento
Che a Trieste se sarà.
Ma lontan, in cavo al mondo,
Sempre a mente me vegniva,
El mio ziel, le mie montagne,
De San Bortolo la riva.1
Là su e zo per la marina
Cole stele se parlava,
De passion i rusignoi
Sora i alberi trilava.
Deghe drento, deghe drento,
Se sfadiga, ma se va;
Vegnarà quel gran momento
Che a Trieste se sarà.
Dài,2 compari benedeti!
No lassè morir la fiama!
No sentì che la mia bionda
La xe stufa, la me ciama?
E ti, atenta ala lanterna,
Sta a spetar del molo in zima,
Sventolando el fazzoleto,
Che te vedo un'ora prima.
Deghe drento, deghe drento;
Se sfadiga ma se va;
Vegnarà quel gran momento.
Che a Trieste se sarà.
