Pagina:Trieste vernacola.djvu/91

III.

Vado a balar, xe vero,
Cossa ghe xe de mal?
Saltar a l'età mia
No xe un pecà mortal.

Se gira e se se sburta¹
E se se fa strucar,²
Se torna a casa morte
E in piè no se pol star;
Vado a balar, xe vero,
No steme tormentar.

IV.

Vado su e zo pel Corso,
Cossa ghe xe de mal?
Go el moro che me speta
Tacà soto el feral.³

El xe una macia,⁴ el scherza,
No 'l fa che stuzzigar,
No 'l vol che sti dedini
Se strachi a lavorar;
Vado su e zo pel Corso,
No steme tormentar.

1. se se sburta, ci si spinge
2. strucar, abbracciare
3. tacà soto el feral, fermo impalato sotto al fanale
4. El xe una macia: è un tipo ameno.