Pagina:Trieste vernacola.djvu/92

V.

Vado al velion stasera,
Cossa ghe xe de mal?
Son giovine, son bela,
E semo in carneval.

In maschera se ridi
A farli bazilar,¹
E a qualchidun la zena
Se ghe la pol scrocar;
Vado al velion stasera
No steme tormentar.

VI.

(con vose de vecia)

Son vecia e son in tochi,²
Questo ghe xe de mal.
Me tocarà, capisso,
Finir al ospedal.

Purtropo go finido
De farme cocolar,³
E za che no i me guarda
Me sfogo a tabacar,
Ma chi bazzìla, mori;
No steme tormentar.

1. a farli bazilar, a farli ammattire
2. son in tochi, sono a brandelli, cioè son ridotta in misero stato
3. cocolar, accarezzare.