Pagina:Trieste vernacola.djvu/98

EL PITOR DE NATURA MORTA.

Lo vedè per la piazza in mezo ai fiori
C'una vecia sportela soto scaio,¹
Che 'l crompa rose, verze e pomidori,
Fragole, girasoi e reste d'aio!²

Cussì missià fra serve e servitori
In mezo ala salata e al formaio
Lo ciogaria³ per uno de quei siori
Che 'l spendi tuto e no 'l li meti in taio!⁴

Ma inveze 'l xe un pitor mezo spiantà⁵
Che fiori 'l zerca e fruti dei più bei,
Per far dei quadri... che no 'l vendarà:

E quando in studio 'l meti zo i penei,
Visto che de magnar altro no 'l ga,
Pacifico 'l se magna... i sui modei!

1. C'una, sincopato di con una; soto scaio, sotto l'ascella
2. reste d'aio, reste d'aglio
3. lo ciogaria, lo prenderei
4. no'l li meti in taio, non risparmia (cioè non mette i denari nel salvadanaio)
5. spiantà, spiantato, disperato.