E che in vita soa durante
Per de più ghe sia el Livelo,
Ch'ogni mese a i vintiquatro,
8I la passa col crielo,
E po dopo inluchetada,
In quel sito farla star,
Col passarghe de quel vito
12Che le Tarme va a magnar.
18.
A le quatro Cameriere
Ghe destino la Giazzera,
Che se trova, no so 'l sito,
4A un confin de l'Inghiltera,
Perchè là co' xe d'Inverno
Le se possa retirar,
Cussì tolto xe 'l pericolo
8De remengo sempre andar.
El Salario tuto intiero
Vòi che in vita ghe sia dà,
E per questo lasso i fondi
12Che fa l'aqua col mistrà;
Tuti quanti i fufignessi,
Quele letere sbregae,
Che in secreto col so mezzo
16Xe in famegia capitae.
