Ve priego si m'amè, trove altra via
Da intertegnirve, che sia de più honor
Ch'el zuogo certo se una minchionaria:
Pi presto intertegnive con amor
Ò con qualche vertu, che ve deletta
Che questo ve sara da piú favor:
Varde trovava qualche morosetta
Che vu posse pensar, che sia corriva,
Che procieda con vu sempre à la retta:
Trovella bella, è che 1a sia lassiva
E vardè, no trovè qualche mengrela
Ch'un di ve peta po la pelatina:
E che vu no trove tal cattivella
Che con le sue parolle inzucharae
Ve tegna sempre netta la scarssella:
Aldi, per che qualc'una con ochiae
A ponto fe l'amor con zentil donne,
Con le più giote, et con le piu trincae:
Che credeu, che le sia forsi colonne,
Me meravegio mi, puol far San Piero
Le se ancha esse, ce se l'altre donne:
'E anche vu fare meio, a dirve 'l vero
Tior d'i libri vulgari, è studiar
Che mi che no so niente, è me despiero:
Che vu ve posse forsi inamorar
De tal sorte in tel lezer, che per Dio
Chi ve pagasse, no posse zuogar
E' con bel modo n'havesse chiario.
Pagina:Un capitolo vernacolo inedito contro il giuoco.pdf/11
Sta pagina la xe stà trascrita, ma la gà ancora da vegner rileta.