ZO PER CANALASSO
Col remo el m'à sćiantà, la proa, le tende!
Falo aposta, figura.... e po.... troiona? —
El impara a vogar! — Da mi dipende?
Me falo che despira la corona?
Ghe volto i conotati no 'l intende? —
Caro lu el vaga, pantalon de mona —
Senti, sto bogia, cossa che 'l ofende! —
Anca beco ghe digo, a lu, el se opona —
El me lo diga ancora se 'l xe bon! —
Sior beco, e se'l vien qua ghe dago 'l resto —
Me tirelo a çimento sto cagnon!
Vegno là, salo el diga, fasso presto —
Erce bogia, vien qua, erce bogion —
El ga rason che in barca go el foresto! -
