Liseta. No, siora Alessandra, mi la ringrazio, ma credo che no ghe sarò. Me scominzia za el dolor de testa, e sti dolori no me dura mai manco de tre giorni. (Esce)
Alessandra. Eh, possibile? E lu, sior Orazio, lu si, xe vero, ghe starà a bever un goto de vin in onor del mio Lalo?
Orazio. Mi? Ah no, caspita!
Alessandra. Percossa?
Orazio. Perchè, la ga da saver che mi (scandendo le parole) i goti de vin me piase bevarli a la "salute" de qualchidun, e no... viceversa! Gala capio? (Le volge le spalle e intanto cala la tela)
FINE DEL PRIMO ATTO
