VENEZIA
NE L'ISTÀ DE L'ANO 1845.
Me consolo! Venezia par l'idolo
Deventada de tuta l'Europa —
Capitai, se pol dir, qua da ogn'angolo,
4Ne le cale i foresti se ingropa.
Per artisti, per richi, per nobili
El vegnirla a trovar xe de moda;
I palazzi, le chiese magnifiche
8Tuti quanti ghe osserva, ghe loda.
Tuti esalta el so clima balsamico,
La so fresca e tranquila laguna
Che la sera i vol gòder in gondola,
12O sul molo, co' s'alza la luna.
