AVISO
CHE XE STA TACÀ PER I CANTONI DE VENEZIA
IN MAGIO DEL 1850
PER ANUNZIAR LA PUBLICAZION
DEL POEMETO SEGUENTE.
Merlo a sant'Aponal (el stampador),
Milesi zo del ponte a san Moisè,
Bonvechiato che sta a san Salvador,
D'acordo pienamente tuti tre,
De prevegnir chi passa ga l'onor:
Che in sto momento qua provisti i xe,
Per venderghene a tuti a bon marcà,
De una grossa partia de Bacalà.
