Pensieri e strussie

by Attilio Turco

3 Pensieri e strussie Sonetti Veronesi Sonetti Veronesi/Parte IV - El mondo Le invensioni Par la fame Attilio Turco 1924 XX Soneti veronese

Indice:Attilio Turco - Sonetti Veronesi.djvu

Attilio Turco ―  Sonetti Veronesi  ― Parte IV - El mondo

Pensieri e strussie

1924

Edission original:	Attilio Turco, Sonetti Veronesi, Verona, Tipografia Operaia, 1924
Fonte:	Indice:Attilio Turco - Sonetti Veronesi.djvu

←  Le invensioni

Edission e fonte ▼

Par la fame  →

PENSIERI E STRÙSSIE

Gh’è serti, che no i passa gnanca un’ora,
     Sensa pensar ai bessi che ghe manca;
     E i lèsena¹ sul franco e la palanca
     Par vèdar de poder sbusarla fora!²

Ogni tanto ghe par che se spalanca
     El pressepissio de la so malora...
     E bisogna che i pensa e i salta, e i cora
     E qualche note che no i dorma gnanca!

Parchè, se i ghe protesta na cambiale,
     El credito 'l va a farse benedir;
     E alora, le saludo principale!

Ghe vien de quei sudori.. da morir...
     El se vede a tri cai e buso streto,³
     E ghe toca far salti da cavreto!

---

Note

1. lèsena ― economizzano;
2. sbusarla fora ― riuscire a buon fine;
3. tri cai a buso streto ― locuzione dialettale veronese significa in pericolo.