Per la celebre cantatrice Todi
|
Edission original: |
Collezione delle migliori opere scritte in dialetto veneziano, Volume settimo: Il Brigliadoro di Francesco Gritti con altre poesie di autori viventi, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817 |
|
Fonte: |
Indice:Collezione delle migliori opere scritte in dialetto veneziano 7.djvu |
| Edission e fonte ▼ |
Se a perder mai ti fussi un dì costreto
(Un amigo mio caro me domanda)
O la vista o l'udito, da che banda
4Scielgeressitu el mal, caro Beneto?
Senza pensarghe su gnanca un pocheto:
La vista, digo, xe una cossa granda,
Perchè l'è quela che ogni tanto manda
8Nove delizie al cuor, novo dileto.
Merita pur l'udito esser stimà,
Ch'anca per quelo el cuor dei gusti sente;
11Ma l'ochio xe da tuti più aprezzà.
Go risposto cussì bonariamente;
Ma adesso che la Todi m'à cantà
14Stimo l'udito più infinitamente.