Per mì zà xe fenìo l'orbis terrarum
Per mì zà xe fenìo l'orbis terrarum
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo II, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 2.djvu |
| ← Anca a mì me vien voggia de lassar | Edission e fonte ▼ | Padre, mi ve confesso 'l mio peccà → |
SULLO STESSO ARGOMENTO.
SONETTO
Per mì zà xe fenìo l'orbis terrarum,
No ghè più caso, no ghè remission,
Zà me ne vago per consumazion
4Da questa nostra val de lacrimarum.
No ghè più famulorum, famularum,
Ch'indur me possa adesso in tentazion,
Son, come quel, ch'hà bù l'estrema unzion
8Xe per andar in requiem animarum.
Al termine mi son del gaudeamus,
Se hò fatto fin ancuò vita dulcedo,
11Posso dir, che son zonto al suspiramus.
Zà, che da questa vita mi discedo
A causa, perchè troppo fornicamus,
14Dìo voggia, che de cuor mi diga'l Credo.