Pien d'un vecchio pensier, che me desvia
|
1557
|
|
Edission original: |
Andrea Calmo, Le bizzarre, faconde, et ingeniose rime pescatorie, Nelle quali si contengono Sonetti, Stanze, Capitoli, Madrigali, Epitafij, Disperate, e Canzoni. Et il Commento di due Sonetti del Petrarca, in antiqua materna lingua, In Vinegia, appresso Iseppo Foresto, 1557 |
|
Fonte: |
| ← Mi e no fu mai d'amar tanto strachao | Edission e fonte ▼ | De di in di, von muando el viso, el pelo → |
Pien d'un vecchio pensier, che me desvia
Da le persone, e me fa andar mi solo,
Mesurando da l'un, e l'altro polo,
4Col cervelo, quant'è longa la via.
Oime che son cargao de zelosia,
E a torno 'l cuor ghe un superbo folo,
Che la mia donna si l'ha tolt'a nolo,
8Per far piu fiamma in la mia fantasia.
Che sarà può, cho sarò brustolao,
E desteso per morto in caeletto?
11So vergogna, e mio danno in veritae,
So ben che la dirà, o poveretto,
El m'agrieva, el me duol, me fa peccao;
14Ma tardi l'aqua, a le case brusae.