EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto. No xe stà indicà l'edission cartacea da cui vien el testo.
Pioe spioesina (o Piova piovesina o simili)

 Edission original:   

nissuna edission indicà

 Fonte:

[3], [4]

Edission e fonte ▼

Versiòn 1 (Verona) canbia

Pioe Pioesina
la gata la va 'n cusina
la va soto el leto
la cata el confeto
el confeto l'è duro
la bate el tamburo
el tamburo l'è roto
la salta nel posso
el posso l'è pien de aqua
la va 'n piassa
en piassa ghe pien de gente
la va dal laorente
el laorente el laora
la va da la sisora
la sisora la taja
la va dala fritaja
la fritaja la scota
la va da la Carlota
la Carlota la sta mal,
viva viva el Carneval.

Versiòn 2 (Treviso) canbia

Piova piovesina
a gata va in cusina,
a spaca le scodee,
a salva e pi bee,
a va in passa,
a compra a saeata,
a compra i ravanei,
viva viva i bei putei.

Versiòn 3 (Treviso) canbia

Piova piova piovesina
la gatta va in cusina,
a rompe na scuea
a rompe quea pi bea
a salta sul balcon
a salta sua porta
a gatta a xe morta!
Sì signora
Sì signora
No signora.
A pignata va passora
a pignatea va da basso
e a signora va a spasso.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pioe_spioesina&oldid=65468"