Poesie veneziane del conte Francesco Cestari/La collera e la pace. Anacreontica
|
1819
|
|
Edission original: |
Francesco Cestari, Poesie veneziane del conte Francesco Cestari, dedicate alla nobile donna la signora marchesa Teresa Archetti Cauzzi, Venezia, Alvisopoli, 1819 |
|
Fonte: |
| ← Xe la memoria el dono | Edission e fonte ▼ | Augurio per capo d'anno in bocca di una bella e graziosa fanciulla di cinque anni. Anacreontica → |
El Sol in mar andava,
La Luna se vedeva,
Le Stele in ciel luseva,
Fenío gaveva el dì,
Quando da drio a una sciesa
Squagià go do morosi,
Sentío go do gelosi
A contrastar cussì:
„ Nineta, femo pase,
„ No me far più quel muso,
„ Con mì ti la ga suso
„ Che te vòi tanto ben? „
„ Ingrato ti à podesto
„ Tratar cussì Betina,
„ Vustu che la to Nina
„ La crepa da velen? ”
Dal ciel go visto alora
Calarse tra quei mati
Chi li pol far beati,
Quel baroncel d'Amor.
Betina, via da brava,
El dise, perdonèghe,
E vu a quei pati steghe
Ch'esigerà quel cuor.
Oh dio, che bel momento!
Se sente un sussureto:
No 'l xe quel puteleto
Propio da imbalsamar?
Da imbalsamar? per cossa?...
Per mi no vado avanti:
Te lo dirà sti amanti
Co i podarà parlar.