Wikisource

Poesie veneziane del conte Francesco Cestari/Sonetti a Nina/5. Piedi di Nina

< Poesie veneziane del conte Francesco Cestari | Sonetti a Nina
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 71 modifica]
PIEDI DI NINA


V.


Quanto diverso xe sto tempo, Nina,
     Da quel che a tì passava in compagnia!
     Dal zorno in qua che ti xe andada via
     No go più ben nè sera nè matina.

Ste viste, sto zardin e sta colina
     No me produse che malinconia!
     Qua la Natura tuta inaridía
     A gran passi al so fin la se incamina.

Ah dove mai xe adesso quei penini
     Che ga tornio quel cocolon d'Amor
     S'un modelo che Venere gh'à dà?

Torna torna, mio Ben, in sti zardini,
     Che s'unisse a pregarte col mio cuor
     I fiori e l'erbe che ti ga tocà.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Poesie_veneziane_del_conte_Francesco_Cestari/Sonetti_a_Nina/5._Piedi_di_Nina&oldid=56158"