Poveri omeni! (1817)

by Giovanni Battista Bada

3 Canzonetta Giovanni Battista Bada XIX Canzonete

Indice:Collezione delle migliori opere scritte in dialetto veneziano 12.djvu

Giovanni Battista Bada

Canzonetta

XIX secolo

Edission original:	Collezione delle migliori opere scritte in dialetto veneziano, Volume duodecimo: Poesie di autori diversi, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 12.djvu

Edission e fonte ▼

VII. CANZONETTA

Poveri omeni!
     Se fido amor
     Sperè da femene
     4Se' in gran eror.
Tuto el so' studio
     Xe d'inzucarve
     E torse el bagolo
     8Po' de burlarve.
Le xe bisbetiche
     Nel so' pensier;
     Con ele el merito
     12No serve aver.
Sol per capricio
     Le ve carezza,
     E senza causa
     16Le ve disprezza.
Mile le esagera
     Promesse avanti
     D'amor e cetera
     20Coi so' galanti;
E po', stufandose
     De la persona,
     Senza demeriti
     24Le ve abandona.

No è tanto istabile
     Fortuna e Mar
     Come la femena
     28Nel so' variar.
I sacrifizj
     No serve a gnente,
     Nè mai d'un misero
     32Pietà le sente.
L'ardito, el stolido
     Xe preferìo,
     E l'omo docile
     36Vien avilìo.
E mì per pratica
     Lo posso dir,
     Nineta barbara,
     40Senza mentir.
Ma con tì inutili
     Xe i mii lamenti;
     Anzi ti giubili
     44Dei mii tormenti,
E ti vol vederme
     Un zorno o l'altro
     Morir da rabia,
     48Crudel! senz'altro.