Prima e dopo

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Riccardo Selvatico

Prima e dopo

XIX secolo

Edission original:	Riccardo Selvatico, Commedie e Poesie Veneziane, a cura de Antonio Fradeletto, Milano, Fratelli Treves editori, 1910
Fonte:	Indice:Selvatico - Commedie e Poesie Veneziane, Milano, Treves, 1910.pdf

Edission e fonte ▼

[p. 264 modifica]

PRIMA E DOPO.

Quel ch’el prete n’abia leto
     Mi dasseno no lo sò;
     Sò che andavimo a brazzeto
     Poco dopo tuti do.

Sò che prima, povarazzo,
     De no sempre ghe diseva,
     Nè ’l podeva urtarme un brazzo
     Che de fogo me faceva.

Sò che adesso se qualcossa,
     Povareto, el vol da mi,
     Ciò! devento ancora rossa,
     Ma ghe digo sempre sì.