Verxi el menu prinsipałe

Primavera e... Pasqua

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
Primavera e... Pasqua
1905
←  La conquista de la Nina Edission e fonte ▼ Che go tanto bisogno...  →
[p. 5 modifica]
PRIMAVERA E... PASQUA.


Che beleza, Signor, chi no la sente?
Xe quà la primavera coi so fiori,
E l'inverno, quel can d'impertinente
4Xe scampà co le dogie e i rafredori.

Sora de l'aqua e de le fondamente
Bate un sol pien de luçe e de colori:
Tuto xe festa, e l'anema e la mente
8Se svegia in sta stagion co çento amori.

E sui balconi, ancora piçenini
Cresse i primi fioreti de gagia,
11Le prime viole, i primi gelsomini;

Mi, co vedo quei fiori e quei balconi,
Sento in cuor una dolçe poesia...
14E sogno... i vovi duri e i panetoni!!


Primavera '98.