Primavera e aurora

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Attilio Sarfatti ― Rime veneziane ― Libro Secondo

XXI. Primavera e aurora

1892

Edission original:	Attilio Sarfatti, Le Rime Veneziane e Il Minuetto, Milano, Fratelli Treves Editori, 1892
Fonte:	Indice:Le Rime Veneziane e Il Minuetto.djvu

← XX. Cuor de plebe

Edission e fonte ▼

XXII. Un matrimonio feliçe →

[p. 100 modifica]

XXI.

PRIMAVERA E AURORA

Sia benedeto tuto quel che toca
E quel che varda el mio tesoro belo.
Miel e profumi vien da la so boca,
Dai oci ragi che par quei del çielo.

Coronada de fiori e rossa in çiera,
La mia morosa par la Primavera.

La par l'Aurora candida e zentil
Calada in tera in un bel dì de avril.